Illum, biex tikteb il-Malti fil-kompjuter ma tridx tniżżel tipa (font) apposta tal-Malti. L-ittri tal-Malti (ċ, ġ, ħ, ż, à, eċċ) ikunu diġà fil-kompjuter u tista’ tużahom kullimkien, mill-Word sal-Facebook. Anke fi programmi (software) tad-disinn.
Tista’ tikteb bl-ittri tal-Malti wkoll minn tablet u minn smartphone għax tfasslu żewġ apps apposta – waħda għall-Android u oħra għall-iOS. Dawn tista’ tniżżilhom b’xejn mill-internet.
Nirringrazzjaw lill-grupp tal-produzzjoni tal-programm Gadgets li ħadem dan il-filmat interessanti flimkien magħna.